Matapos ang halos tatlo ka bulan, bag o naman naka record sang active COVID-19 case ang banwa sang Don Salvador Benedicto.
Ang nagpositibo sa virus ang isa ka returning resident nga babaye gikan Cebu. Suno sa kay Mayor Marxlen Dela Cruz, asymptomatic ang natungdan nga babaye kag karon ini ang yara sa quarantine facility.
Samtang, matapos ang pila ka semana nga pagdumili sang mga hilikuton nga may pagtililipon kasubong sang swimming, camping, hiking, excursion, seminar kag iban pa, ini ang gintugutan na nga mag resume.
Suno sa alkalde sumugod sini nga adlaw ginatugutan na liwat sang banwa ang kasubong nga mga hilikuton.
Pero suno kay Dela Cruz maga resume man ang kasubong nga mga hilikuton sa banwa istrikto nila nga ipatuman ang minimum health protocols.
Maga patrolya man suno sa iya ang ila nga mga health enforcers sa pagpasiguro nga ginasunod ang minimum health standards.Matapos ang 85 ka adlaw, may COVID-19 positive naman liwat sa DSB