Shadow

3 ka mga kabataan patay sa sunog sa San Carlos

San Carlos PNP photo

Patay ang tatlo ka mag ulutod nga kabataan sang masunog kagab-i ang ila nga balay sa Sitio Trozo, Barangay Bulwangan sa siyudad sang San Carlos.

Suno kay FO2 Neil Bantillo, nasapwan na lang ang sunog nga bangkay sang mag ulutod nga naga edad 9, 7, kag 3 ka tuig sa ila man mismo nga kwarto nga tululupad bangud sa nagakatulog
lang man sila sang natabo ang sunog suno sa imbestigador.

Si Bantillo nag siling nga sa kwarto mismo sang mag ulutod nag sugod ang kalayo bangud sang napabay-an nga kandila nga nabutang lang sa sa salog.
Wala pa nabalik ang supply sang kuryente sa ila nga lugar suno kay Bantillo.

Wala man ang ila iloy sang amo nga tion suno kay Bantillo kag nakaluwas naman ang ila sini nga lola.

Magluwas sa balay sang pamilya, 11 ka balay ang gintupok sang kalayo sa nag luntad nga sunog.

Secured By miniOrangeSecured By miniOrange