Sa sulod sang duha ka semana wala sang Covid-19 cases sa 29 tanan ka mga kabarangayan sa Bacolod City humalin Nobyembre 9 tubtob 22.
Ini ang ginpahayag ni Bacolod Emergency Operations Center executive director nga si Em Ang.
Ginpahayag ni Ang nga ila nga gina paabot nga padayon pa gid nga maga nubo ang Covid-19 cases sa Bacolod kun mag kooperar lang ang tanan.
Samtang ang mga barangay sang Punta taytay, Montevista, 4, 5, 11, 18, 19, 31, 36 kag 39 ang may tag isa na lang ka Covid case kag ang Barangay 7, 14 kag 17 ang may tag duha sa sulod sang 14 ka adlaw.
23 naman ka mga barangay ang wala sang Covid cases sa sulod sang tatlo ka semana.