24 anyos nga gina-alegar nagtuyo mangawat nahauna nga Comelec gun ban violator nga nadakpan sa Bacolod City.
Wala sang bayo kag gina-alegar nagasukbit sang sulpak ang 24 anyos nga lalaki sang madakpan sang katapo sang Police Station 6 sa Barangay 28 sa Bacolod kagab-i.
Ginpahayag ni Police Station 6 Commander, Police Captain Rosalino Pugoy, Jr., nagtinguha ang suspek nga mangawat sang ila ini madakpan kag nakuhaan sang pusil.
Ginpahayag ni Bacolod Election Officer Revo Sorbito, ang suspek ang nahauna nga gun ban violator sa pagsulod sang Election Period.
Tubtob Hunyo 11, ginapatuman ang gun ban kabahin sang tikang agud mapahagan-hagan ang pagluntad sang election related incidents.
Dungan sini ang pagpatuman sang nationwide checkpoint upod ang kapulisan.