Nakilala na ang napatay nga gina alegar katapo sang New People’s Army sa nagluntad nga engkwentro sa Sitio Camboguiot Brgy. Camindangan siudad sang Sipalay sang Biyernes.
Ang napatay ang ginkilala kay Rodine Lumanog, 54-anyos, squad member sang South West Front sang NPA kag residente sang Sitio Umas, Brgy. Camindangan sa Sipalay.
Suno sa Philippine Army, ginkilala kag ginkuha si Lumanog sang iya nga bayaw kag pakaisa kag ila nga ginkumpirma nga madugay na ini nga nag upod sa hublag.
Nagapadayon ang ila nga paglagas sa nabilin nga mga rebelde kag mga kaupdanan ni Lumanog nga nakapalagyo sa engkwentro.