
19 tanan ang nagpositbo sa pag gamit sang iligal nga droga sa ginpatigayon nga drug testing sang kapitolyo probinsyal sadtong Disyembre.
Suno kay Provincial Administrator Rayfrando Diaz, sa mga 1,800 nga ginpaidalom sa drug testing sadtong Disyembre 17 kag 18, 19 ang nag positibo sa pag gamit sang iligal nga droga.
Suno kay Diaz tatlo diri ang permanent employees, pito ang job order workers, tatlo ang contract of service workers kag anum ang blue guards.
Ang mga COS kag JO workers ang wala na gin-renew kag nag tapos na sila sa trabaho sadto pang Disyembre.
Bahin sa blue guards suno kay Diaz sila ang nag pakig-angut na sa agency nga indi na ang mga natungdan pag i-detail sa gobyerno probinsyal.
Sa mga permanent employees sila ang ginpaidalom sa confirmatory testing kag may option nga mag paidalom sa rehabilitation kun luyag nila nga ma reinstate.
Kun indi sila mag pa idalom sa rehabilitation, sila ang pasakaan sang kaso nga grave misconduct.