Masobra sa 221,000 ka dose sang Covid-19 vaccines sa Negros Occidental ang maga expire sa katapusan sang bulan sang Abril.
Ini suno kay Dr Claudelia Pabillo ang in-charge sang vaccine distribution sang probinsya.
4,890 ka dose sang Moderna vaccine, 38,900 ka dose sang AstraZeneca, 140,539 naman ka dose sang Janssen vaccine kag 36,720 ka Pfizer orange cap ukon para sa 5 to 11 year old ang maga expire.
Pero, suno kay Pabillo ang Pfizer orange cap vaccines ang na allocate na para sa second dose gani ginapaabot nga ini ang maubos antes pa man mag expire ang mga bakuna.
Gina paabot sa weekend ukon sa madason nga semana nga bag-o naman nga batch sang Pfizer orange cap labi na nga ini ang kinahanglan sa gina paabot nga face to face classes sang mga kabataan.
Paathag ni Pabillo, kabahin sang sop amo ang una nga pag dispose sang mga bakuna nga may madali na lang nga expiry date.
Sa karon padayon pa ang pag paubos sang sini nga mga bakuna.
Isa karon sa pagpanghangkat amo nga mahinay ukon diutay na lamang ang mga naga pabakuna.
Dugang pa ni Pabillo may yara gani sa mga naka schedule nga mag pabakuna second dose nga indi maka abot. Gina pasiguro naman ang pag sunod sa requirement bahin sa storage sang sini nga mga bakuna kag sila ang naga hulat sang abiso sang doh bahin diri labi na kun mag-abot na ang expiry date.
Damlag pa gin pahayag ni Provincial Administrator Rayfrando Diaz nga nalab ot na ang saturation point ukon nabakunahan na ang luyag nga mag pabakuna.
“Ang nakita ko to is ang expiring naton is April. Kay gina una man namon pa gwa ang mga near expiring..May ara kita nga mga na distribute na. Let’s say mangayo ang LGU, ipanagtag na na namon or i-allocate na namon. Kis-a indi man nila malagas kay ang ila bala gina expect nga amo ni ang amount of clients/vaccinees tapos ang nag-abot diutay. Amo na kis-a amon problema mo kay ang mga second dose namon wala naga balalik,” suno kay Diaz.