Nagapabilin pa sa ospital kag under observation ang duha ka lalaki nga katapo Public Order and Safety Office nga nag responde sa 22 ka mga estudyante sa first year sang Bacolod City College nga nalipong kag naglain ang pamatyag kahaponsang makahaklo sang colored smoke, isa ka material ngaginagamit para sa smoke effects.
Tatlo sa 22 ka mga estudyanteang ulihi nga gin-release sa ospital kaina.
Suno kay Dr. Johanna Bayoneta, presidente sang BCC, ila na gina usisa kun sin-o samga estudyante ang responsable sa pagdala sang colored smoke nga gingamit sa performance activity sang mga estudyante sa ilapractical exams sa P.E. class.
Ang colored smoke pati na ang pag-gamit sang smoke machine kag ang burning activity ang ginadumili sa school campus ilabi na sa sulod sang activity center.
Temporaryo nga ginsirad-an sang pamunuan sang eskwelahan ang activity center sa sulod sang isa ka semana para sa containment operation sang katapo sang DRRMO kag Bureau of Fire Protection.
Mas pabaskugon man sang eskwelahan ang pag inspeksyon sang mga production material kag props sa mgaschool activities sa campus.