Mga 2,000 tubtob 2,500 ka mga mamumugon kag katapo sang progresibo nga grupo ang gina paabot maga martsa sa dalanon bwas sa pag saulog sang Labor Day. Sila ang maga tipon sa public plaza para mag singgitan sang ila nga mga panawagan para sa mamumugon.
Maga assemble sa Lagoon ang Kilusang Mayo Uno upod ang Bayan Negros mga las 12 sang udto, ang grupo naman sang Bukluran ng Manggagawang Pilipino upod ang Sanlakas ang maga assemble sa Rizal Park kag ang Partido ng Manggagawa magatipon sa San Sebastain Cathedral.
Mag tingob sila sa Bacolod City Government Center replica sa Bacolod Public Plaza.
Suno kay Noli Rosales sang KMU wala man sila sang permit bangud nga may yara sang night market, maga padayon sila sa ila nga pag tililipon.
P1,200 nga across the board wage ang ila pareho nga padayon nga gina panawagan.
Suno kay Priscilla Goco sang PM, trabaho para sa mga na displace bangud sang gamo sa Middle East ang ila man nga gina duso. Ayuda kag indi limos sa apektado sang krisis ang ila gina panawagan.
Suno kay Lilian Sembrano ang presidente sang KNETCO, napabudlayan pa ang mga PUJ drivers karon.
Sa 1,000 nila ka mga katapo, 72 lamang ang makabaton sang P1,500 nga bulig gikan sa LTFRB. Padayon pa sila nga naga hulat sang P5,000 nga ayuda sa idalom sang AICS. Ini sa tunga sang 100 percent nga saka sa presyo sang langis kag daku nga kapierdehan nga naga dalagan tubtob sa P800 sa bahin sang mga drayber.*
[sibwp_form id=1]