Shadow

2 patay sang mabunggo ang motor sa poste sa San Enrique

Ginbawian sang kabuhi ang driver kag iya angkas matapos nga nakabunggo ang ginasakyan nila nga motorsiklo sa atubang sang isa ka gasolinahan sa dalan Rizal, Barangay Poblacion sa banwa sang San Enrique, Negros Occidental, pasado las kwatro, Domingo sang kaagahon.

Dead on arrival ang driver nga si Stanley Espin, samtang nadala pa sa ospital ang iya angkas nga ginkilala kay Raymar Geal,  apang nagtaliwan man.

Papauli na kuntani ang duha padulong sa ila balay sa Barangay San Isidro, banwa sang Pontevedra sang naglapaw ang ila motorsiklo sa kurbada nga dalan kag nakabunggo sa poste sang NOCECO kag kahoy nga Narra.

Suno kay Police Lt. Dante Eslit, deputy chief sang San Enrique Police Station, may kadasigon ang pagpadalagan sang motorsiklo, rason nga sila ang na-alang-alang.

Naka-angkon sang head injury si Espin, samtang nagtabog naman si Geal kag naigo man ang ulo sa semento.

Secured By miniOrangeSecured By miniOrange