Pag-usisa sang drainage system sang mga real estate developer ang striktuhan sang siudad sang Bacolod para mapahagan-hagan ang problema sa baha.
Duha ka mga sapa sa Barangay Mandalagan ang natalana nga hawanan sang Department of Public Works and highways sandig sa hinyo ni Congressman Greg Gasataya para mapahagan-hagan ang tubig baha sa tion nga magbunok ang ulan.
Magluwas sa dredging operation, luyag man sang incoming Mayor nga ma-usisa kag istriktuhan ang mga drainage system projects sang mga real estate developer agud nga mapaiway kag mapahagan-hagan ang problema sa baha.
Nagligad lang nga semana sang nagreklamo ang pamilya sang agrarian reform beneficiaries sa Barangay Mandalagan matapos nga sa ila duta ginpa-gwa ang tubig baha nga naga-awas halin sa magkaiping nga subdivision.
Gindugang ni Gasataya nga natalana siya nga magsapol upod sa Official of the Building Official para mapatpat ang mga tikang bahin sa pagpasiguro nga indi ang siudad ang masami nga manabat sa problema sa baha sang mga realty developer.