Patay ang duha ka mga persona matapos ginpangtiro sang wala pa makilal-an nga mga suspek sa merkado sang Sitio Stop Aguinaldo, Baragay San Isidro sa banwa sang Toboso, Negros Occidental, Domingo sang aga.
Ginkilala ang mga biktima nga sanday alias Elias, 56-anyos, isa ka negosyante kag alias Joebert, 41, nga utod sang isa ka pulis.
Tiyenda sa lugar kag nagapungko si Elias sa ginapwestuhan sini sang iya ginabaligya nga uga, sang nagpalapit ang suspek kag siya ang ginluthang.
Samtang, maga-responde kuntani si Joebert, nga may karinderya malapit sa lugar, apang ini ang gintiro man.
Ginsiling ni Police Capt. Rene Boy Eduardo, officer-in-charge sang Toboso Police Station, wala pa sila sang identity sang mga suspek kag padayon pa ang imbestigasyon sa motibo sang krimen.
Sa ginpagwa nga statement sang Roselyn Jean Pelle Command- New People’s Army, ila gin-ako ang pagpatay kay Elias, nga suno sa ila isa ka spy sang militar, kag kay Joebert nga ila gina-alegar nga isa ka drug pusher.