Nagbunggo kag nagdasok sa idalom sang dump truck ang motor nga may duha ka mga sakay sa national highway sa atubang sang gym nga sakop sang Brgy. Jilocon sa banwa sang San Jose, Negros Oriental, mga las 8:25 sang aga, Miyerkules, Agosto 12.
Nalapakan ang 25-anyos nga driver samtang nagtabog ang angkas sini. Pareho nga nagtaliwan ang duha.
Nagwa sa imbestigasyon sang San Jose PNP nga padulong Bais City nga direksyon ang truck samtang pakadto Dumaguete City ang Yamaha NMAX nga motor.
Nag-overtake ang motor sa isa pa gid ka salakyan sa kurbada nga bahin sang dalan, rason nga naglapaw ini sa pihak nga lane kag nagbunggo sa truck.
Nagsungka sa San Jose PNP ang 26-anyos nga driver sang truck.
[sibwp_form id=1]