Patay ang driver sang motor nga si Julieto Canyete kag ang iya angkas nga si Jimmy Gadiane matapos mabungguan sang delivery van sang sabado sa dalan sa Barangay Pandanon Silos sa banwa sang Murcia.
Sa imbestigasyon sang Murcia PNP, ang delivery van nga kargado sang ice cream nga gina maneho ni Michael Cabugwason ang nadulaan sang preno kag una nga nabungguan sini ang iya gina sundan nga mini van.
Matapos mabungguan ang mini van, nag swerve ang delivery van sa pihak nga lane kag nabungguan sini ang motorsiklo kabangdanan nga nag labog ang duha ka bikima nga amo ang gin tunaan sang ila kamatayon.
Naigu man ang isa ka suv nga naga sunod sa motorsiklo.
Nag agum man sang minor injury si Cabugwason pati na ang driver sang nabungguan nga SUV kag iya mga pasahero.
Gin detain man sa Murcia PNP si Cabugwason.