Ginkabig na nga Case Cleared ni Bacolod City Police Office Director Colonel Eugene Rebadomia ang kaso ni Freya Mae Go matapos nga nakilala-an na sang kapulisan ang duha ka suspek sa likod sang pagpanghimulos kag pagpatay sa menor de edad.
Si Go ang nasapwan nga patay sa Reclamation Area sadtong Oktubre 22, 2025.
Matapos ang pito ka bulan nga imbestigasyon, tigayon na nga ginpasakaan sang kapulisan sang kaso nga rape with homicide ang duha ka suspek.
Suno kay Rebadomia, ila natumod ang duha ka suspek bangud sa mga scientific evidence kag sa bulig man sang mga CCTV footages kag communications devices.
Wala pa ginhingadlan sang kapulisan ang mga suspek bangud ginpaabot palang nga makagwa sini nga semana ang mga warrant of arrest batuk sa ila.
Dugang naman ni Mayor Greg Gasataya, ang pagpasaka sang kaso sa mga suspek ang isa sa mga dako nga accomplishment sang BCPO.*
[sibwp_form id=1]