Patay ang 26 anyos nga motorsycle rider nga si Era Alintao matapos ini ma sideswipe kag malapakan sang truck kagab-i sa dalan sa Barangay Mansilingan.
Suno kay Capt Elmer Bonilla, commander sang Police Station 7, wala makita sang driver sang truck si alintanao nga naga dala sang iya nga motor sa kilid nga bahin sang dalan amo kun ngaa nabungguan ya ini kag nalapakan.
Dead on arrival sa ospital si Alintanao. Gin pasakaan na sang kaso ang driver sang truck.
Patay man kagab-i ang naga dala sang motorsiklo nga si Oscar Belarte matapos mag overshoot sa sementado nga sidewalk ang iya motor sa Burgos Extension sa Barangay Villamonte.
Suno sa pulis, samtang naga paliko sa kurbada nga bahin sang dalan nag lapaw ang motor kag na igu sa sidewalak kabangdanan sang pag labog sang driver sa barrier nga amo ang gin tunaan sang iya kamatayon.
Pilason man ang iya angkas nga si Lemuel De Dios nga nag labog naman pakadto sa poste.