Mag-utod kag isa pa gid ka persona patay matapos nga mabungguan sang truck ang ila gina sakyan nga motorsiklo.
Aga pa gintipunan ang dump truck nga nakabunggo sa duha ka mga motorsiklo sa national road sa Hacienda Nieva, Brgy. To-oy sa Himamaylan City.
Sa video nga kuha ni Aineeh Torrendon, ginpang kuha pa ang mga bangkay gikan sa idalom sang truck sang iya maagyan.
Ang mga napatay ginkilala nga sanday Cesar Lirazan kag Jinuard Lirazan, mag-utod nga taga Brgy. Tagukon sa Kabankalan kag Danny Delalinia sang Brgy. Carol-an sa Kabankalan.
Ang driver sang truck ginkilala kay Benjie Agoilo sang Isabela.
Suno sa kay Police Lieutenant Colonel Anthony Grande ang hepe sang Himamaylan City PNP, pa Bacolod ang mga biktima samtang ang truck naga padulong pa Kabankalan.
Suno sa pulis, nag overtake ang truck sa isa ka salakyan kag nasugata ang duha ka mga motorsiklo sa pihak nga lane nga nagresulta sa pagkabunggo sa mga biktima.
Gindeklarar nga dead on arrival sa ospital ang mga biktima.
Detained karon sa Himamaylan PNP ang driver sang truck.