Shadow

15 ka mga empleyado sang Bago City LGU nag positibo sa COVID-19

Ginsirad an ang Bago City Hall subong nga adlaw para sa disinfection kasubong man mag pagpatigayon sang contact tracing.

Ini kasunod sang pag positibo sa virus sang pila ka mga empleyado sang siudad.

Suno kay Mayor Nicholas Yulo, 14 ang nag positibo sa COVID-19 sa City Engineer’s Office kag isa ang sa City Health Office. May mga gina monitor pa sila nga iban pa gid nga empleyado gani ginpakamaayo nga mag work from home na lang anay magluwas sa mga talatapan nga kinahanglanon ang ila nga serbisyo. Sa Lunes na maga balik bukas ang city hall.

Sa record sang bago kagab i 34 ang ang active cases sang siudad. Suno sa alkalde nagdangat na kuntani sila sadto sa zero active cases pero namutikan ang pagsaka sang kaso sang tiun nga ginpatuman ang uniform travel protocol kun sa diin wala na sang swabbing nga gina patigayon sa mga maga abot sa probinsya.

Padayon ang pahanumdom ni yulo sa pumuluyo nga sa tanan nga tion indi pagkalipatan ang pagsunod sa minimum health protocol.

Secured By miniOrangeSecured By miniOrange