Grassfire nagluntad malapit sa subdivision sa boundary sang Bacolod kag Talisay.
May duha ka ektarya sang bakante nga kampo ang nalikop sang kalayo sa nagluntad nga grassfire sa Barangay Bata sa boundary sang Bacolod kag Talisay kaina sang aga.
Wala sang naumid nga propiedad sa sunog.
Pero kun basehan ang record sang Bacolod Bureau of Fire Protection naglab-ot na sa 205 ang fire incident sa bulan sang Marso, 130 diri mga grassfire.
Gani padayon ang panugyan sang pamunuan sang BFP sa mga barangay officials angut sa pagpatuman sang controlled burning ilabi na sa mga kampo agud makakinot sang supply sang tubig ilabi na karon nga tig ilinit.
Samtang, mga las onse kaina sang aga, nasunog ang isa ka Toyota Innova nga naga park malapit sa VMA College sa Barangay Sum-ag.
Wala sang nasamaran sa natabo nga insidente.