10 ka water tanker gintalana sang siudad para mag rasyon sang tubig sa mga lugar nga nagakawad-an sang supply sang tubig.
Nagsugod na libot sa mga kabarangayan ang mga water tanker nga gintalana sang siudad upod sa private sector kag Baciwa-Primewater agud nga matagaan sang supply sang tubig ang mga lugar nga nagakawad-an na tubig.
Ang Barangay Bata kag Alijis ang pila lang sa mga nalab-otan sang rasyon sang tubig kaina sang aga.
Ginpahayag ni Mayor Albee Benitez nga may napulo ka mga water tanker ang italana sang siudad para matagaan sang water supply ang pumuluyo nga masami wala sang tubig nga magamit sa matag-adlaw.
Pati mga eskwelahan nga billeting areas sang mga atleta sa Palarong Panlalawigan ang paga rasyonan sang tubig.
Ini samtang padayon nga ginapadasig ang construction kag pipelaying project sang pribado nga komboyahan sa Barangay Alangilan para sa dugang nga 5 million liter a day nga water supply karon nga ginakulang ang mga kunsomedor.
Ang Bacolod LGU nagasugod na sa hikot sang requirements para construction sang intake water pump kag filtration system sa Matab-ang river.
Ini ang sarang makahatag sang dugang nga 20 million liter a day nga water supply sa madasun nga mga binulan.