Shadow

18 anyos naka panugid kun sin-o ang mga nag-paddle sa iya antes napatay sa hazing

Nagapinarik parik ang pila ka mga ginikanan sa pakadto sa mga buluthuan para magkuha sang mga module sa liwat nga pagbukas sang klase sa mga pampubliko nga eskwelahan humalin kaina sang aga.

Gani ang mga manunudlo ang nangin masako man nga nag atubang sa ila samtang suksok ang personal protective equipment ukon PPE.

Kadungan sini ang masako man nga pag printa sang mga manunudlo sang dugang nga modules nga pagagamiton karon nga bukas na ang klase.

Ang iloy nga si Maryjane Villanueva, naghingagaw naman nga ma-enrol ang iya duha ka mga kabataan matapos nagpaidalom sa quarantine.

Suno kay Angelica Taruballes, pricinpal sang Alfredo M. Montelibano Sr. Elementary School sa Barangay Villamonte, ginalauman nila nga magasaka pa ang kadamuon sang mga enrolees karon nga school year

Ilabi na nga madamo sa gihapon sa mga estudyante sa private school ang naga-transfer sa mga pampubliko nga eskwelahan.

Pero indi kasubong sang nagligad nga school year mas handa sila sa pagbalik sang klase karon nga pandemic.

Naka PPE man ang mga manunudlo nga in-charge sa distribution sang learning materials sa mga ginikanan.

Ang mga manunudlo gikan sa katupad nga Corazon Locsin Montelibano Elementary School temporaryo man nga sa amses nanagtag sang modules.

Ang ila eskwelahan ang temporaryo nga ginagamit abi nga isolation facility sang siudad.

Magluwas sa mga modules, may ginpanagtag man nga tablet ang eskwelahan para sa grade 2 students nga gintalana para sa offline digital learning.

Blended learning naman ang ginagamit sa mga pampubliko nga eskwelahan sa secondary level.

Kaina nagsugod man ang online orientation sang mga manunudlo sa mga ginikanan.

Ginalauman sang pamunuan sang mga pampubliko nga eskwelahan nga magabaskog pa ang suporta kag koordinasyon sang mga ginikanan sa ila mga maestra sa idalom sang nagapadayon nga blended learing modality sang Department of Education.

Ini samtang ginapaabot ang posible liwat nga pagbalik sang face to face learning karon nga pandemic.

Leave a Reply

Your email address will not be published. Required fields are marked *

Secured By miniOrangeSecured By miniOrange