Ginsiling ni Negros Occidental Governor Eugenio Jose Lacson nga sa July 8 nga laboratory test nga ginpatigayon, siyam lamang sa 14 ka mga LGU nga may hog mortality ang nag positive sa African Swine Fever.
2,185 ka mga baboy ang na-record nagkalamatay as of July 13 gikan sa 14 ka mga LGU bangud sang nagkalain-lain nga masakit.
Ang na-record nga hog mortality 3.53 percent sa 61,854 nga total hog population sa natungdan nga mga LGU. Suno sa gobernador, may mga nagkalamatay man pero wala man ini nakalab-ot sa 5percent.
Na eksperiensya na damlay pa sang Negros Occidental ang pag-igo sang ASF.
Ang importante nga nagasunod ang tagsa sa protocol kangay sang gilayon nga pagpalubong sa napatay nga baboy kag pag-disinfect suno sa gobernador.
Napahamtang naman ang border controls.
Dugang pa niya, mangin maka alarma lamang kun indi mangin alerto kag mangin mabinantayon ang tagsa kontra sa ASF. Ang sitwasyon karon ang under control.
[sibwp_form id=1]