Nag patigayon ang Bacolod City Police Office sang inspection sa mga commercial establishment sa siudad kag kun bala sila ang naga takod sang CCTV camera sa ila nga mga establisimento.
Suno sa spokesperson sang Bacolod City Police Office nga si Lt. Liberty Indiape, importante ang pag takod sang CCTV camera sa tagsa ka mga establishment bangud sa ini ang isa ka preventive measure agud malikawan ang mga insidente ilabi na sang pag pangawat.
Gani sa ila nga pag usisa, natukiban sang kapulisan nga may 13 tanan ka mga kumbuyahan, kalabanan mga pawnshops ang wala sang CCTV sa ila nga mga baligyaan, kag kun may ara man, wala nagaandar ukon guba.
Gin rekomendar na sang BCPO suno kay indiape sa lgu sang siudad ang pag obligar sa sini nga mga establishments nga mag takod sang CCTV kag ila naman nga gina hatag sa siudad kun ano ang mangin penalty sa mga wala naga sunod.