Shadow

12 ka mga shooting incident nagluntad sa Bacolod humalin sang Enero

Suno sa spokesperson sang BCPO nga si Police Lieutenant Liberty Indiape, walo sa 12 ka kaso ang tubtob karon under investigation pa kag apat pa lang sa 12 ka mga kaso ang nalubad ukon na solbar.

Walo sa diri ang murder case, duha ang homicide kag duha man ang physical injury.

Pinakaulihi nga mga shooting incident amo ang sang Sabado kun sa diin gin tiro ang babayi nga sakay sa tricycle sa atubang sang isa ka mall kag sang Lunes sang gab-i sa Barangay Cabug kun sa diin gin patay naman ang isa ka triycle driver sa sulod sang ila balay.

Damlag pa ang Metro Bacolod Chamber of Commerce ang Industry ang nag pabutyag na sang ila kahangawa sa pagluntad sang sunod sunod nga pag pangluthagn sa Bacolod.

Pero para kay BCPO Director, Police Colonel Manuel Placido, indi pa maka alarma ang ini nga mga kaso kag yara pa ini sa treshold.

Dako lang ini nga butang suno sa iya para sa mga Bacolodnon bangud nga generally peaceful ang siudad,

Gin pahayag man ni Indiape nga isolated cases ang tagsa ka mga kaso kag tanan ang nag kalain lain ang motibo sa pag pangluthang.

Ginmando na ni Placido ang dugang nga police visibility sa mga dalanon para malikawan nga madugangan pa gid ang kaso sang tiniruhay.

Leave a Reply

Your email address will not be published. Required fields are marked *

Secured By miniOrangeSecured By miniOrange