Shadow

100 ka ektarya sang coral reefs sa Danjugan Island nagkala guba bangud sang Odette

Ini ang hitsura sang mga structure sa Danjugan Island Wildlife and Marine Sanctuary sa banwa sang Cauayan matapos ang ginhalitan sang bagyo nga Odette.

Wasak ang mga cottages, nakakas ang mga atop may mga puno nga nagkala tumba pati na ang eagle tree ukon ang kahoy nga gina istaran kag gina pugaran sang white bellied sea eagle.

Ini ang hitsura sang bamboo bridge hut antes sang bagyo… Isa sa mga matahum nga lugar nga kapehan pero pagkatapos sang odette amo na sini ang hitsura.

Ang typhoon beach, ang isa sa mga paborito nga beach front sa isla… Amo sin katahum antes sang bagyo… Blue nga tubig dagat kag green nga kakahoyan sa ibabaw….Pagkatapos sang Odette amo na sini ang iya nga hitsura.

Suno sa kay Dave Albao, ang executive director sang Philippine Reef and Rainforest Conservation Foundation Incorporated nga amo ang naga dumala sa isla, ang mas masakit kay ang idalom sang kadagatan gina habukay sang balud dala sang bagyo. Mga isa ka gatus ka ektarya sang coral reefs ang nagkalaguba kag tinuig ang kinahanglan para ini ma rehabilitate.

Ang masubo suno sa iya kay indi lang turismo ang apektado, kundi ang palangabuhian sang mga mangingisda nga naga salig sa baybayon ang apektado man.

Amo man sini kuno ang kahimtangan sang kadagatan sa southern Negros, ang lubos nga na apektuhan sang bagyo. Ang climate change ang isa sa mga gina lantaw nga rason kun ngaa naga lala nga naga lala ang mga bagyo. Ini ang dako nga mensahe nga dala sa aton kag naga kadapat nga halungan kag i preserve kun ano ang may yara kita.

Yara sa duha ka milyon ka pesos ang damage sa mga structures pero indi maisip kag matakos ang halit sa coral reefs.

Pero parehos sang mga taga southern Negros, pursigido ang tanan nga liwat nga mag bangon. Naga pasalamat sila kay may 39 ka mga artists nga nag upod sa the island is calling, isa ka fundraising exhibit kun sa diin ang proceeds sa sini nga event maga kadto sa pag rebuild sang Danjugan Island.

Kalabanan sa mga art works ang nahimo sa circle nga canvass. Suno sa kay Charlie Co nga isa sa mga exhibitor, daw parehos lang nga naga sakay ka sa barko kag naga tamwa sa mga circle nga bentana kun imo lantawon ang exhibit.

Naka retreat diri ang mga artist kag ginpahangop sang importansya sang preservation sang kun ano pa ang may yara kita. Gani diri naka base ang ila nga artworks.

Subong nga hapon pormal na ini nga ginbuksan sa Orange Gallery sa Art District sa Bacolod City.

Leave a Reply

Your email address will not be published. Required fields are marked *

Secured By miniOrangeSecured By miniOrange