Sa ginpa gwa nga recommendation sang Department of Health ginpanubuan sa pito ka adlaw ang quarantine period para sa mga Covid-19 asymptomatic patients nga fully vaccinated.
Pero suno kay Em Ang, executive director sang Bacolod Emergency Operations Center, magapabilin gihapon sa napulo ka adlaw ang ginapatuman nga quarantine period para sa mga Covid-19 positive sandig man sa nangin recommendation sang mga infectious disease specialist.
Ginapasugtan man ang hospital supervised homecare isolation, pati home isolation sa mga nagpositibo sa virus pero ini magadepende sa gihapon sa assessment sang eoc kag monitoring sang barangay health unit.
Aprubado naman sang doh nga mangin optional ang testing sa mga vaccinated nga asymptomatic close contact kag pwede gamiton ang rapid antigen test.
Dugang sa nangin rekomendasyon sang DOH nga indi naman mangin prayoridad ang contact tracing bisan pa nagasaka ang Covid-19 cases pungsod.
Suno sa pamunuan sang DOH ang mga panibag-o nga pagsulundan ang sandig man sa mga scientific evidence sa effectivity sang bakuna kag sa characteristic sang virus.