Ang National Federation of Sugar Workers ang naga panawagan nga hilwayon ang ila kaupod nga nalakip sa lima ka gina alegar NPA nga gindakop sa Talisay City sadtong Abril 22.
Suno sa grupo padayon nga naka detain sa Talisay PNP si Julie Ann Balora nga katapo sang NFSW kag naga trabaho bilang labor organizer. Isa sa iya gina obra amo ang pag check sang kahimtangan sang mga mangunguma.
Sa lima, si Jerome Seballos nga isa ka negosyante ang na-release suno sa ila nga impormasyon. Ini nga bagay ang indi ma kumpirma sang PNP bangud wala pa naka feedback suno kay Lt Col Joem Malong ang spokesperson sang PRO NIR, ang CDIG nga naga custody kag Seballos.
Ginsiling ni Mario Tapion sang NFSW nga may mga impormasyon sila gikan sa mga lider nga si Seballos ang naga trabaho sa hanay sang estado, ilabi na sa patag sang intelligence. Indi man sila magpati bangud sadto suno sa iya naga bulig man siya kag isa si Seballos ka student activist.
Suno kay Malong ini nga bagay ang indi niya man ma kumpirma. Suno sa naman sa pamuno sang 303rd Brigade nga si B/Gen Ted Dumusmog wala sila sang ideya sa amo nga impormasyon.
Suno kay Noli Rosales sang KMU ila gina panawagan ang kahilawayan ni Balora nga sa ila nag pag pati gin patu-patuan sang ebedensya. Gin serbe ang arrest warrant sa isa sa lima, pero sang pagkadakup sa iya suno sa PNP, nakuhaan ang grupo sang mga armas kag explosives.*
[sibwp_form id=1]