Mga 50 metros ang kadalumon sang pil-as nga nahulugan sang isa ka AUV sa Purok Tuburan, Brgy. Pandanon banwa sang Don Salvador Benedicto sang Sabado sang hapon.
Suno sa kay Police Major Ryan Villasario hepe sang DSB PNP, ang napatay giinkilala kay alyas Daisy, 58-anyos.
Pilason naman ang apat ka mga pulis sang Bacolod City Police Office nga na-assign sa Police Headquarters Office, isa ka ginkilala kay alyas April, kag duha ka mga menor de edad.
Gikan sila sa Bacolod padulong sa San Carlos City apang paglab-ot sa lugar sang insidente gina-alegar nga naglapaw ang salakyan kag nahulog sa pil-as.
Kalabanan sa sakay sa AUV nakaagum sang mga pilas sa tiil apang seryoso nga pilas sa ulo kag iban pa nga bahin sang lawas ang naagum ni Daisy nga amo ang yaya sang menor de edad kag gilayon man nga ginhingagaw dala sa ospital pero gindeklarar nga dead on arrival.
Gina usisa pa sang PNP ang ini nga kaso.