Patay ang 66 anyos nga amay nga si Eduardo Malabon samtang pilason naman ang iya duha ka anak lakip na menor de edad matapos mabunggo sa ila sini balay sa kilid sang dalan ang isa ka truck nga kargado sang tubo kagab-i sa Barangay Guintubhan sa Isabela.
Sa imbestigasyon sang Isabela PNP, nag overtake ang truck sa iya sini ginasundan nga tricycle.
Sang pagbalik na sa iya sini nga lane, isa man ka tricycle ang nag overtake sa iya kag nag pondo sa unhan agud mag papanaog sang pasahero.
Na alang alang suno sa pulis ang driver sang truck kag ma pondo kun tani apang nag malfunction naman ang iya sini nga brake. Didto na nga nag rekta sa kilid sang dalan ang truck kag nagbunggo sa balay sang pamilya Malabon.
Magluwas sa duha ka anak nga pilason, pilason man ang pahinante nga upod sang driver sang truck. Nag surrender man gilayon sa Isabela PNP ang driver matapos ang pag bunggo.