Duha ka rabies cases ang na record sang Provincial Veterinary Office sa bulan sang Agosto.
Ang duha ka pinaka ulihi nga kaso sang rabies sa ido ang gikan sa San Carlos City.
Sa kabilugan, napulo na ang rabies cases nga na record sang probinsya kag may isa naman nga gikan sa Barangay Granada sa Bacolod City. Sa kasubong nga tion sang nagligad nga tuig, 15 ang rabies cases nga na-record.
Padayon naman ang kampanya sang probinsya sa pag pabakuna sa mga ido. As of August, 114,759 ang ido nga nabakunahan. 42.32 percent ini sa target ukon sa kadamuon sang ido nga dapat mabakunahan para sini nga 2022 .
May 676 naman ka mga ido gikan sa Bacolod ang nabakunahan sang probinsya. Magluwas sa rabies vaccination, padayon man ang iban nga serbisyo sang Provincial Veterinary Office kasubong consultation kag iban pa gid nga technical assistance.
Padayon ang kampanya sang Veterinary Office para sa responsible pet ownership.