Patay ang 60 anyos nga si Eduard Tornia matapos ini ginbuno sang kabilya sang iya tupad balay kagab-i sa Purok Cingco, Barangay Taculing sa Bacolod.
Sa imbestigasyon sang Police Station 6, ang biktima nga isa ka PWD ang naga tan-aw lang sa TV sa iya sini nga kwarto sa ila balay sang hinali mag sulod ang suspek nga gina alegar may diperensya sa pamensaron.
Gulpi na lang suno sa pulis gin buno sang suspek sa mata kag sa iban pa nga bahin sang lawas si Tornia gamit ang kabilya.
Patay na sang mag abot sa ospital ang lolo. Naaresto man sang kapulisan ang suspek. Daan nga dumot amo sa karon ang gina lantaw nga motibo sang PNP sa pag patay sa kay Tornia.