Isa ang patay kag isa naman ang pilason matapos ginsungay sang carabao.
Patay ang 55 anyos nga si Belinda Villanueva samtang pilason naman ang 26 anyos nga si Christian Bolanon matapos nga gina-alegar ginsungay sang carabao sa Purok Totong 3, Brgy. Felisa siudad aang Bacolod sang Martes.
Suno sa kay Police Lieutenant Venjo Tortosa ang Deputy Chief of Police sang Bacolod City Police Station 10, samtang nagapangutan si Villanueva hinali na lang ini nga ginsungay sang carabao kag sang makita ni Bolanon nagtinghua siya mabuligan ang babaye apang nalapakan man siya sang sapat.
Dugang pa ni Tortosa, gina-alegar nga may ginabatyag ang carabao kabangdanan nga ini ang iritable kag nagresulta sa pagpangsaruso.
Miyerkules sang hapon sang napatay ang biktima.
Ginpaihaw sang tag iya ang carabao kag ginhatag sa mga pamilya sang biktima apang nagpasalig man ini nga maghatag sang dugang nga bulig pinansyal.