Isa ka isa ka tuig nga bata nga lalaki sa Moises Padilla, ang napatay kahapon bangud sang suspected rabies.
Suno sa Provincial Health Office ini ang pinaka una nga human death bangud sang suspected rabies sa 2024.
Suno kay Dr Girlie Pinongan, sa ila nga datus, Enero 13 sang nakagat ang bata sa guya sang ila nga hinuptanan nga ido. Wala man sila gilayon naka pa check kag ulihi na sang gindala ang bata sa ospital kun sa diin siya ang nagtaliwan.
Sang 2023 suno kay Pinong may anum ka na record human death tuga sang suspected rabies. Sang 2022 may napulo ka nagkalamatay bangud sang suspected rabies.
Abiso ni Pinongan sa publiko amo nga kun makagtan dapat gid mag pakonsulta agudto madapatan sang nagakaigo nga medikal nga atensyon.
Kalabanan sa nag kalamatay suno sa iya bangud nga wala ini nag pakonsulta ukon ulihi na.
Upod man sa Provincial Veterinary Office naga kampanya sila sang responsible pet ownership.
Dapat pabakunahan ang mga hinuptanan.
“Kun may mga pets kag makagtan, ma seek gid kita consult para early ang aton treatment. Matagaan man sila sang tsakto nga management. So indi ta na ya siling nga paba-an ta lang kay ginkagat gamay lang, especially kun ara sa face or sa ulo dapit. Kinahanglan mapa konsulta gid dayon. Indi ta magsiling nga nag ayo naman ang pilas”, suno kay Pinongan.