Shadow

Zubiri kag Marcos nagpatawag sang senate inquiry tuhoy sa pag import sang kalamay sang SRA

Wala anay ginpatuman sang Sugar Regulatory Administration ang sugar order number 3 nga nagatuyo mag-import sang 200,00 metric tons sang kalamay matapos ang gin-isyu nga temporary restraining order gikan sa duha ka mga separado nga korte sa Negros Occidental.

Tuyo sang sra nga mapahagan hagan ang pagsaka sang presyo sang kalamay tuga man sang pagsaka sang presyo sang farm inputs kasubong sang abono.

Pero ginabalabagan ini sang grupo sang mga sugar farmers bangud magluwas nga nagapadayon ang milling season, madamo man sa mga magagmay nga sugar farmers, ilabi na mga agrarian beneficiaries ang labi nga mahalitan sa epekto sang sugar importation.

Katunga sang supply sang ginatuyo ma-import nga kalamay sra ang igatalana sa industrial users kasubong sang bottling company.

Gani ginduso nanday Senate Majority Floor Leader Senator Miguel Zubiri kag Senator Imee Marcos, chairperson sang senate committee on economic affairs ang senate inquiry angut sa sugar importation sa tunga sang peak sang milling season.

Ginpahayag man ni Marcos nga dapat mangin transparent ang SRA sa ginakabig sweetheart deals sa bottling company.

Magluwas sa gin-grant nga tro nga gin-file sang United Sugar Farmers Federation may hearing man angut separado nga tro nga ginhinyo ang pamuno sang Negros Occidental Federation of Farmers Association sa regional trial court sa Himamaylan City agud mapunggan ang pag-import sang refined sugar.

Secured By miniOrangeSecured By miniOrange