427 ka mga police personnel ang iga deploy sa mga festival site, nalakip diri sa Lacson Street, the Upper East kag sa mga mall agud mapasiguro sang Bacolod City Police Office ang zero crime incident sa Bacolaodiat Festival.
Ginpahayag ni BCPO spokesperson PLt. Ronnie Brillo nga magatalana man sila sang dugang nga police augmentation sa gwa sang festival site para mapabaskog ang kampanya sa peace and order sa pagsaulog sang tuigan nga kahiwatan halin bwas asta sa Domingo.
Nag coordinate naman ang BCPO sa mga police station sa kaiping nga mga banwa kag siudad para sa pagpatigayon sang checkpoint operation sa mga boundary.
Sa pagsugod sang Chinese New Year sa Bacolod sumugod bwas, nagahinyo man sang paghangup si Councilor Jason Villarosa sa mga motorista ilabi na nga ginapaabot ang pag gutok sang trapiko sa Lacson Street tuga sang ipatuman nga road closures.