Sang nagliligad nga mga inadlaw nag ginuwa ang mga istorya angut sa personal nga pangabuhi sang alkalde.
Una nagpagwa sang statement ang iya sini nga misis nga nga si Nikki Benitez nga naga paathag nga wala sang kamatuoran ang nagwa nga balita nga wala na sila naga updanay sang iya nga mister nga si Mayor Albee kag naga proseso sila sang annulment.
Nagapanindugan si Mrs. Benitez nga padayon ang ila nga pag updanay sa sulod sang 31 ka tuig.
May mga blind item nga naga ginuwa nga ang alkalde amo ang gina tumod nga nobyo sang vlogger kag actress nga si Ivana Alawi.
Subong nga hapon nagpagwa sang statement si Mayor Benitez sa iya nga Facebook page nga naga ayo nga i-respeto ang iya nga privacy para ma proteksyonan ang mga inosente nga mga tawo nga nagaka dalahig sa kontrobersiya.
Bilang isa ka film kag TV producer, naga pakig angut siya sa mga celebrity bilang isa ka professional bangud ina ang gina kinahanglan sa sini nga sahi sang industriya.
Sa subong suno sa alkalde, ang iya focus amo ang mapangapinan ang interes sa siudad sang Bacolod.
Subong nga adlaw nag-post man sa iya nga Facebook stories si Victorias City Mayor Javi Benitez sang picture nila sang iya nga iloy nga naga siling nga nagkit-anay gid man sila nga duha kag siya ang isa sa mga pinaka mabakod nga persona nga iya nakilala kag proud siya diri.