Gina paabot ang pagsambuwa ni Congressman Dino Yulo kag Board Member Anthony Dennis Occeno sa congressional seat sa kinto distrito.
Sang Oktubre 3 nag panumpa sa Lakas CMD si Yulo. Si Majority Floor Leader kag Lakas CMD Executive Vice President, Manuel “Mannix” Dalipe ang nag pasumpa sa iya sa partido.
Si Yulo ang sadto nagpapili bilang independent candidate kag karon ang maga file sang COC para sa iya nga second term.
Daku ang mabulig suno sa iya sang partido labi na nga ang Lakas ang pinaka daku nga partido sa kongreso kag iya nga gina pasalamatan si House Speaker Martin Romualdez nga amo ang presidente sang Lakas.
Sang una suno kay Yulo katapo man siya sang partido.
Gin siling naman ni Occeno sa Digicast Negros nga siya ang maga file sang iya COC sa Domingo bilang congressman na sa kinto distrito.
Si Occeno ang provincial chair sang Partido Federal ng Pilipinas.
Gina abi-abi naman ini ni Yulo.
Ang sa iya lamang luyag niya man lang magserbisyo sa pumuluyo kag bukas man ini sa kun sin-o ang luyag man nga mag pangalagad.
Wala pa sang pat-od nga petsa ang iya pag-file COC.
“Ang aton man lang maka serbisyo sa pumuluyo. So libre man ya kun sin-o man ya ang naga handum man nga maga serbisyo”, suno kay Yulo.