Isa sa 19 nga napatay sa engkwentro sa tunga sang New People’s Army kag 79th Infantry Battalion sa Barangay Salamanca, amo ang Bacolodnon nga si RJ Ledesma, writer sang Paghimutad – Negros Island Alternative Media.
Gin-identify kag gin-claim sang iya pamilya ang bangkay ni Ledesma nga yara sa funeral parlor sa Toboso, kahapon Martes, Abril 21.
Ang 30-anyos nga si Ledesma ang taga-Villamonte sa Bacolod kag nagtapos sa kurso nga Bachelor of Science in Psychology sa University of St. La Salle-Bacolod, kun diin siya man ang nangin editor-in-chief sang students’ publication nga The Spectrum sadtong 2017 tubtob 2018. Siya ang 7th nominee sang Kabataan Partylist.
Nagapati ang Human Rights Advocate-Negros nga isa ka sibilyan si Ledesma kag indi rebelde.
Ginsiling ni Felipe “Ipe” Gelle, sang HRA-Negros, nag ligad pa nila nga gina-contact si Ledesma bangud may gusto siya nga i-expose angot sa kahimtangan sang solar nga renewable energy project kun diin gina-convert sa solar farm ang mga hacienda kag gina-displace ang mga mangunguma kag mamumugon sa kampo, iban sa ila ginapasakaan sang kaso para mapahalin sa obra.
“Nagapatigayon sang research, documentation sang mga cases sang mga rights abuses ilabi na gid sa aton mga sugar workers nga affected sining mga dalagkuan nga projects sang renewable energy dira sa Toboso kag Calatrava”, suno kay Gelle.*
[sibwp_form id=1]