Isa ka planta sang gin-alegar counterfeit cigarettes ang nadiskubrehan sang awtoridad matapos nagpatigayon sang inspeksyon sa Purok Rosas, Barangay Calumangan, Bago City, Martes nga adlaw, Abril 21.
Didto kag nadakpan ang siyam ka mga Chinese nationals kag apat ka mga Pinoy. Samtang, may isa pa gid ka Chinese national ang at large.
Ang nasambit nga operation ginpangunahan sang katapo sang Police Regional Office – Negros Island Region Regional Intelligence Division sa bulig sang Business Permits and Licensing Office (BPLO).
Nakita sa warehouse nga nagaserbe bilang pabrika sang smuggled cigarettes, ang tatlo ka loader machines, tatlo ka packaging machines kag nanari-sari nga paraphernalia nga amo ang ginagamit sa paghimo sang iligal nga sigarilyo.
Sa follow-up operation, natukiban pa gid sang mga otoridad ang warehouse sang gin-alegar peke nga mga sigarilyo sa Barangay Alijis, Bacolod City.*
[sibwp_form id=1]