Kampanya kontra pagpanigarilyo kag vape dungan nga ginpatigayon sa World Anti- Tobacco.
Kasubong sang sigarilyo kag tobacco, sarang makahalit sa ikaayong lawas ang pag-gamit sang vape nga karon makabig uso sa kadam-an ilabi na mga pamatan-on.
Ini ang tuyo nga mapaiway sang katapo sang Philippine College of Chest Physicians – Negros Chapter agud nga mapahagan-hagan ang mga balatian sa baga kag possible kaso sang cancer.
Gani sa simultaneous celebration sang World Anti- Tobacco Day, ang pagpabaskog sang tikang kontra sa pag gamit sang vape sa mga kabataan ang mabaskog nga ginakampanya sang organisasyon.
Para kay Dr. Ronel Sario, pamuno sang PCCP-Negros chapter nga dapat ma-sustain ang mga natukod nga pagsulundan kontra sa pagpanigarilyo kag vaping pati na ang pag-regulate sang pagbaligya sini ilabi na sa siudad.
Kaupod sa kampanya ang mga tiglawas sang mga hospitals, pamunuan sang City Health Office kag sectoral affairs office pati na ang mga student organization halin sa nagkalain-lain nga buluthuan.
Isa ka motorcade ang ila gin-updan halin sa Bacolod City Government Center pakadto sa mall nga ginsundan sang symposium.