Patay ang driver sang wing van samtang pilason ang iya pahinante matapos nga matumba ang ila nga salakyan sa Sitio Kansalakan, Brgy. Banwague sa Guihulngan City Negros Oriental Lunes sang aga.
Ang mga biktima mga residente sang Bacolod City.
Sa inisyal nga imbestigasyon sang PNP, halin sa Bacolod pakadto sa Guihulngan City via Isabela ang salakyan nga gina maneho ni Jomar Balinsi upod ang iya pahinante nga si Melbert Riyatasan.
Paglab-ot sa dulhugon nga bahin sang dalan natumba ang salakyan.
Gindala sang Guihulngan City Rescue team ang drayber kag pasahero sa Governor William Villegas Memorial Hospital pero gindeklarar nga dead on arrival ang drayber.