Patay ang Senior Citizen nga babaye matapos maupod sunog sa iya balay sa Purok 4, Barangay Aguisan, sa Himamaylan City, Domingo sang gab-i.
Ang biktima ang ginkilala kay Amelita Gemotea, 84-anyos kag isa ka retired teacher.
Suno sa hepe sang Himamaylan City nga si Lt. Col. Anthony Grande halos 70 porsyento sang lawas sang biktima ang nasunog.
Dugang pa sang pulis ang biktima ang nagsindi sang kandila sa sulod sang iya sini kwarto kag posible nga natumba ini kag ginhalinan sang kalayo.
Suno sa anak sang biktima, naabtan na lang nila nga nagakasunog ang likod nga bahin sang ila nga balay kag nakita nga nasunog na ang kwarto sang iya iloy.
Naga-isahanon lamang nga naga-istar ang iloy sa balay nga nahamtang sa likod man sang balay sang iya anak.
Padayun sa karon ang imbestigasyon sang Bureu of Fire Protection sa sini nga insidente.