Tigayon na nga na-restore ang water supply sa mga 4,000 ka pamalay sa San Carlos City matapos nga makaayo na ang Medina Water Treatment Facility nga naguba bangud sang baha sang Domingo.
Ugaling sa pag kaguba sang transformer apektado na naman ang water supply sa nothern nga bahin sang siudad.
Ginsiling ni Joe Recalex Alingasa ang City Disaster Risk Reduction Management Office head sang San Carlos City nga Miyerkules sang hapon nangin normal na ang tubod sang tubig gikan sa Medina Water Treatment Facility.
Pero, Martes sang hapon nag ka problem ang supply sang tubig sa norte nga bahin sang siudad tuga sang pag kaguba sang transformer sa Brgy Punao.
Ini ang nag apekto sang supply sang tubig gikan sa Bodiawe Pumping Station.
Isa ini suno kay Alingasa sang major source sang tubig sang siudad. May generator man nga gingamit ugaling indi maka sarang sa pag power sang apat tanan ka mga pumping station.
“(Pila ka residents ang affected?) Ining Bodiawe is the biggest source of our water, siya gid na ang pinakadako, other than the deep wells that we have. More or less it’s the same with Medina actually, (4,000) nga 40 percent niya nga source man”, suno kay Alingasa.