Balay gin-ransack sang mga wala makilal-an nga kawatan sa Barangay Pahancoy sa Bacolod.
Wala na sang naabtan pa nga mga pagkabutang sa sulod balay ang caretaker sang pamilya Gregory sang maabtan nga ginsulod sang mga kawatan ang ila balay sa Barangay Pahanocoy kaina sang kaagahon.
Bukas naman ang gate kag pati ang naka-lock nga pwertahan sang balay. Naga gwa sa pagpang-usisa sang katapo sang Police Station 8 nga wala sang tawo ang balay sang matabo ang pagpangawat.
Ginkakas sang wala makilal-an nga persona ang jalousy sa bentana agud masulod ang balay kag makuha ang TV kag iban pa nga electrical appliances, pati mga baso kag pinggan, kurtina, LPG tank kag iban pa.
Makaduha na ini ka beses nga ginkawatan ang amo nga balay. Nagapangabay karon ang tag-iya sang bulig agud makilal-an ang responsable sa pagpangawat.