barangay sa Bacolod ginahinyo sang City Health Office nga usisaon ang mga water sources pareho sang bubon kag mga bomba agud mapaiway ang balatian sa tig-ilinit.
Nagapatuman sang sanitary inspection ang katapo sang City Health Office Environmental Sanitation Division kada tuig dungan sa annual business application sang mga negosyo sa siudad.
Pero indi lang mga water refilling station ang masami ginakadtuan sang inspection team.
Ginsiling ni Environmental Sanitation Division head Dr. Grace Tan, gina-recommend man nila sa mga barangay ang pag-usisa sang mga water sources kasubong sang mga bubon kag bomba agud mapasiguro nga safe ini nga magamit sang mga pumuluyo.
Indi malipod nga kun tig-ilinit nagaluntad ang posible balatian kasubong sang cholera kag typhoid.
Dungan sa pagpasiguro sang kalidad sang tubig, nagapahanumdom ang pamunuan sang City Health Office sa publiko nga mangin maid-id sa pagbakal sang mga pagkaon kag usisaon pati ang expiry date.
Sa tion sang tig-ilinit possible magluntad ang kaso sang food poisoning tuga sang contaminated nga pagkaon ukon mga ilimnon.