Water level sa dam sang Bago River Irrigation System ang namutikan nga nag nubo.
Suno kay Pedro Limpangog ang presidente sang Federation of Irrigators Association of Central Negros – Bago River Irrigation System sadto naga lapaw ukon naga awas ang water level sa amo nga dam, karon naga tupong-tupong na lang.
Halos 13,000 ka ektariya sang humayan ang ginaserbehan sang tubig sang BRIS nga gina uma sang mga 8,000 ka rice farmers.
May paandam man sang pag igo sang El Niño, suno kay Limpangog karon gina tinguhaan nila nga ma-manage sang maayo ang supply sang tubig para indi maapektuhan ang pananom.
Sa north district nga sakop nila, madamo na ang naka sugod sa pag tanom. Sa south district naman yara na sa vegetative stage ang pananom.
Sige-sige pa ang ila nga water distribution kag wala pa sila naga patuman sang rotational nga distribution subong.
Naagyan naman nila sadto pa ang El Niño kag may naka plastar na sila nga mga measures para diri.
[sibwp_form id=1]