Pag plastar sang water impounding kag water catchment systems ang isa sa mga ipasiguro sang probinsya bilang pag panghanda sa El Niño phenomenon. Gina lantaw man ang pag patuman sang cloudseeding operation.
Ginsiling ni Provincial Administrator Rayfrando Diaz nga sang Miyerkules tigayon na nahuman ang response plan sang probinsya sa ila nga pag sapol upod sa nag kalain-lain nga ahensya nga naga lakip sang Office of the Civil Defense, DOST Pagasa kag iban pa.
Sa bulan sang Nobyembre sandig sa forecast mabatyagan na sa katapusan nga semana ang dry condition sa Negros Occidental. Ang dry condition nagakasayuran nga below normal ang rainfall condition sa sulod sang duha ka sunod-sunod nga bulan.
Suno kay Diaz maayo na lang nga may pag tupa pa sang ulan sa karon, pero may pila na ka areas sa norte nga bahin sang probinsya nga naga batyag na sang epekto sang kainiton dala sang super El Niño.
Samtang, gin patun-an man sang probinsya ang pag bakal kuntani sang eroplano para sa cloudseeding operation pero sa ila nga consultation mabudlay ang pag maintain sini.
Suno kay Diaz may nag tanyag naman sa probinsya nga mag pahulam sang eroplano enkaso nga kinahanglan ini sa cloudseeding.
[sibwp_form id=1]