Gindakop sang katapo sang Police Station 2 sa Bacolod ang tatlo ka mga persona kag nakuha sa ila ang dako nga bulto sang suspected shabu nga gin-alegar natalana para sa MassKara Festival.
Ginpatigayon ang buy-bust sa Purok Lampirong, Barangay 2 sa Bacolod City, Lunes sang gab-i.
Narekober sa tatlo ka mga lalaki ang 230 grams sang suspected shabu nga may estimated Standard Drug Price nga kapin P1.6 Million.
Ginsiling ni Police Maj. Rondyl Tapang, hepe sang Station 2 nga ang nakuha nga suplay sang droga ang iga-distribute kuntani para sa MassKara Festival.
Ang duha sa mga nadakpan ang mga pangayaw nga taga San Carlos City sa Negros Occidental kag ang isa residente sang Brgy. Alijis sa Bacolod.
Sila ang napasakaan na sang kaso nga pagsupak sa Republic Act 9165 ukon Comprehensive Dangerous Drugs Act of 2002.
[sibwp_form id=1]