P102M nga balor sang warehouse kag motorpool project sang siudad ginasuguran na sa Bredco area.
Sa kapin otso ka ektarya nga duta sang Bacolod LGU sa Bredco area naka-garahe ang halos tanan nga mga unserviceable government vehicle kag equipment sang siudad.
Sa amo nga area ginasuguran karon sang City Engineer’s Offiice ang construction sang P67M nga warehouse kag P37M nga construction sang motorpool project.
Ginapaabot ni Mayor Albee Benitez nga matapos sa sini nga tuig ang infrastructure project nga kabahin sa napondohan paagi sa loan agreement.
Tuyo sang Bacolod LGU nga mangin mahapos ang pag-account sang tanan nga mga government vehicle kag equipment paagi sa digital property management system.
Sa Bredco area ginaplano man sang siudad nga itukod ang food terminal project kag dugang nga housing project.