Bukas na liwat ang mga mega vaccination center sa mall kag pati na sa mga kabarangayan para sa mga walk-in nga luyag magpabakuna sang Covid-19 vaccines.
Suno kay Dr. Edwin Miraflor,officer in-charge sang City Health Office, magluwas sa paglunsay sang Vax-i bus mobile vaccination drive, pwede naman makapabakuna ang mga walk in nga yara sa A1 asta A5 category,nalakip diri mga medical frontliners, senior citizen, mga may co-morbidity, other essential workers kag indigent population.
Indi agud man mas mapadasig pa ang vaccination program sa tuyo nga malab ot ang herd immunity batuk sa Covid-19.
Samtang, ginsugdan man sang katapo sang Bacolod Emergency Operation Center ang briefing para sa 109 contact tracers nga magabulig sa kampanya batuk sa paglapta sang Covid-19.
Ginalauman sang pamunuan sang EOC nga pinaagi sa paghaylo sang mga dugang nga contact tracers mapahagan hagan man ang kahangawa nga sarang matuga sang mga na detect nga variants of concern sa siudad.